Франция терма жамоаси ярим ҳимоячиси Нголо Канте Сенегал терма жамоаси ҳақида фикр билдирди. Африка Кубоги ғолиби аллақачон Жаҳон чемпионатларининг доимий иштирокчисига айланиб улгурган ва ҳатто ушбу турнирнинг чорак финалигача етиб борган. 2002 йилда Франция терма жамоаси Жаҳон чемпионатидаги илк старт учрашувида айнан Сенегалга имкониятни бой бериб қўйган эди.
"Биз эътиборли бўлишимиз керак, Сенегал — жуда довюрак ва шиддатли жамоа. Жаҳон чемпионати каби турнирларни яхши бошлаб олиш ўта муҳим ҳисобланади", — дея Кантенинг сўзларини келтиради derbyderbyderby.it портали.
Эслатиб ўтамиз, Франция ва Сенегал терма жамоалари бугун оқшом, соат 22:00 да ўзаро куч синашадилар.
