Эрве Ренар катта эҳтимол билан Тунис терма жамоаси бош мураббийига айланади.
Мамлакат футбол федерацияси 57 ёшли франциялик мутахассисга муайян кафолатлар, жумладан, ЖЧ-2026 якунланганидан кейинги давр учун ҳам ваъдалар берган.
Жаҳон чемпионатининг 1-турида Тунис Швециядан йирик ҳисобда (1:5) мағлубиятга учради, шундан сўнг Сабри Лямушининг африкаликлар мураббийлигидан истеъфога чиқиши кутилаётгани ҳақида хабарлар пайдо бўлди.
Ренарнинг охирги иш жойи Саудия Арабистони терма жамоаси бўлиб, у ерни 2024 йилдан 2026 йилнинг апрелигача бошқарган эди. Бундан аввал у Марокаш, Кот-д’Ивуар, Замбия терма жамоаларини, «Лилль» ва «Сошо» клубларини, шунингдек, Франция аёллар терма жамоасини бошқарган.
