«Комо» клубининг 21 ёшли ярим ҳимоячиси Николас Паснинг келажаги сўроқ остида қолмоқда.

Инсайдер Фабрицио Романонинг маълум қилишича, «Реал» энг яхши қарорга келиш учун «Комо» билан музокараларни давом эттирмоқда. Шу билан бирга, Пас томонидан ҳеч нарса ўзгаргани йўқ — у жорий ёзда «Реал»га қайтишни истамаяпти, айниқса «қаймоқранглилар»нинг Бернарду Силва билан шартнома имзолаганидан кейин. Испания клуби Паснинг бу позициясидан хабардор.

2025/26 йилги мавсумда аргентиналик футболчи барча турнирларда жами 40 та учрашувда майдонга тушиб, 13 та гол урди ва 8 та голли узатма муаллифига айланди.

Transfermarkt портали маълумотларига кўра, Паснинг трансфер баҳоси 80 миллион еврони ташкил этади.