Португалия миллий терма жамоаси ҳужумчиси Криштиану Роналду Жаҳон чемпионати — 2026 доирасида Конго Демократик Республикаси миллий терма жамоасига қарши старт ўйини олдидан мухлисларга мурожаат қилди.
Учрашув олдидан Роналду ўзининг Х (Twitter) саҳифасида қуйидагича ёзди:
«Ҳар сафар бу футболкани кийганимизда, биз ўша биринчи кундагидек ғурур, иштиёқ ва масъулиятни ҳис қиламиз. Эртага янги саҳифа очилади.
Биз бу лаҳзага етиш учун қаттиқ меҳнат қилдик, энди эса мамлакатимиз ва бутун дунёдаги португал жамоаларини қўллаб-қувватлаётган мухлислар учун боримизни бериш вақти келди. Ишонинг, биз қандай ишонсак!» — деб ёзди у.
Гуруҳ босқичининг 2-турида Португалия миллий терма жамоаси Ўзбекистонга қарши (23 июнь), 3-турда эса Колумбияга қарши (28 июнь) майдонга тушади.













