Франция терма жамоаси ҳужумчиси Килиан Мбаппе футбол бўйича 2026 йилги жаҳон чемпионати «I» гуруҳи 1-туридан ўрин олган Сенегалга қарши учрашувда (3:1) дубль қайд этди. Шу тариқа, Мбаппе ушбу ўйинда дунё биринчиликларидаги ўзининг 13-голини киритди ва ЖЧ тарихида бу кўрсаткичга эришиш тезлиги бўйича учинчи тўпурарга айланди.

Жаҳон чемпионатларида 13 та голлик маррани энг тез забт этган футболчи франциялик Жюст Фонтен ҳисобланади (1958 йил). Унга дунё биринчиликларида 6 та учрашув кифоя қилган. Иккинчи ўринда 12 та ўйин билан германиялик Герд Мюллер (1974 йил) бормоқда. Шунингдек, ушбу топ рўйхатдан бразилиялик Роналдо (17 та ўйин, 2006 йил), германиялик Мирослав Клозе (18 та ўйин, 2010 йил) ва аргентиналик Лионель Месси (26 та ўйин, 2022 йил) жой олган.

«I» гуруҳининг 2-турида Франция миллий терма жамоаси Ироқ билан тўқнаш келади (23 июнь), 3-турда эса Норвегия билан куч синашади (26 июнь).