Франция терма жамоаси вингери Брэдли Баркола Сенегалга қарши жаҳон чемпионати учрашувида гол урганидан сўнг ўз фикрларини билдириб ўтди. Ўйин 3:1 ҳисобида якунланди.

«Мураббий бизга захирадан майдонга тушадиган футболчиларнинг аҳамияти ҳақида кўп гапирганди. Бизда кўплаб бўш ҳудудлар юзага келишини билардик. Захира ўриндиғида ўтирганимизда голли вазиятларни муҳокама қилгандик. Агар менда дарвозабон билан бирга-бир вазият юзага келса, гол уришимни билардим», — дея футболчининг сўзларини келтиради M6.

«Мбаппе? Биз у учун жуда хурсандмиз. У бизнинг сардоримиз, нима қилиши кераклигини яхши билади. Бизни жуда қаттиқ қўллаб-қувватлайди. Унинг дубль қайд этгани бизни ҳам кўпроқ гол уришга руҳлантириши табиий. Бу ҳам у учун, ҳам жамоа учун жуда яхши», — дея таъкидлади Баркола.

23 июнь куни французлар гуруҳ босқичи доирасида Ироқ билан ўйнашади, яна 3 кундан кейин эса Норвегияга қарши майдонга тушишади.