Бугун Лионель Мессининг Аргентина терма жамоасидаги юбилей учрашуви бўлиб ўтади.
«Интер Майами» ҳужумчиси ЖЧ-2026 гуруҳ босқичи биринчи туридан ўрин олган Жазоирга қарши ўйинда «альбиселесте»нинг асосий таркибидан жой олди. Ушбу баҳс Месси учун Аргентина миллий жамоаси либосидаги 200-ўйин бўлади. Бундан олдинги 199 та учрашувда саккиз карра «Олтин тўп» соҳиби 117 та гол урган.
Лионель Месси Аргентина терма жамоасидаги дебютини 2005 йилнинг ёзида, 18 ёшида ўтказган эди. Бир ҳафтадан кейин ҳужумчи 39 ёшга тўлади. Эътиборли жиҳати шундаки, Лионель тарихда олтита жаҳон чемпионатида майдонга тушган биринчи футболчига айланади.
