Португалия футбол федерацияси бош мураббий Роберто Мартинеснинг терма жамоадаги келажаги борасидаги вазиятни тушунтирди. Аввалроқ, ижтимоий тармоқдаги Х саҳифасида журналист Бен Жейкобс мураббий 2026 йилги жаҳон чемпионати якунланганидан кейин, жамоанинг турнирдаги натижаларидан қатъи назар, ўз лавозимини тарк этиши ҳақида маълумот тарқатган эди.
«FPF (Португалия футбол федерацияси) ва Роберто Мартинес бутун эътиборини фақатгина жаҳон чемпионатига қаратган. Федерация ва мураббий бу масалада ҳамфикр, буни улар оммавий равишда ҳам маълум қилишди», — дейилади FPF расмий баёнотида.
Эслатиб ўтамиз, мутахассис бундан аввал «Суонси», « Уиган Атлетик», «Эвертон» клублари ва Бельгия терма жамоасини бошқарган.
