Ўзбекистон миллий терма жамоаси ҳимоячиси Рустам Ашурматов журналистлар билан суҳбатда Португалия терма жамоаси ва уларнинг юлдуз марказий ҳужумчиси Криштиану Роналду ҳақида ўз фикрини билдирди.
«Португалия ҳозир Криштианусиз кучлироқ. Уни асосий таркибда кўришни хоҳлайманми? Менга фарқи йўқ. Биз ҳар иккала вариантга ҳам тайёргарлик кўрамиз. Ва ўзимизга боғлиқ бўлган ҳамма нарсани қилишга ҳаракат қиламиз», — деди футболчи.
ЖЧ-2026 гуруҳ босқичида Ўзбекистон терма жамоаси Колумбия, Португалия ва Конго ДР миллий жамоалари билан тўқнаш келади. Мундиалдаги дебют учрашувида ўзбекистонликлар колумбияликларга қарши майдонга тушишади. Баҳс 18 июнь куни бўлиб ўтади.
