«Ал-Ҳилол» ҳимоячиси Жоау Канселунинг «Барселона»га ўтиши бўйича келишув вақтинчалик музлатиб қўйилади. Бу ҳақда журналист Габриэль Санс хабар бермоқда.

Манбанинг берган маълумотларига кўра, 32 ёшли португалиялик футболчининг хариди июль ойига қадар қолдирилиши мумкин. Агар манбага ишонадиган бўлсак, «Барселона» «Ал-Ҳилол» билан музокараларда ҳали жуда кўплаб масалаларни ҳал қилиши керак.

«Кўк-анорранглилар» Канселуни ўтган қишда Саудия клубидан ижарага олишган эди. Каталонияликлар таркибида у барча мусобақаларда 23 та ўйинда майдонга тушиб, 2 та гол урди ва 4 та голли узатмани амалга оширди.

Аввалроқ «Барселона» Канселуни ўз сафида сақлаб қолмоқчи эканлиги, бироқ буни фақат минимал молиявий йўқотишлар эвазига амалга оширишни истаётгани ҳақида хабар берилган эди. «Ал-Ҳилол» эса ўз футболчиси учун 10 миллион евро талаб қилмоқда.