«Астон Вилла» клуби жамоанинг ҳужумкор ярим ҳимоячиси Морган Рожерсни Лондоннинг «Челси» клубига сотишни афзал кўрмоқда. Бу ҳақда журналист Жон Хэрриотт хабар тарқатди.
Манбанинг берган маълумотларига кўра, бирмингемликлар Англия терма жамоасининг 23 ёшли юлдузини «кўклар» лагерига қўйиб юбориш орқали Бенуа Бадьяшиль ва Николас Жексон трансферини ўзлари учун осонлаштириб олмоқчи.
Ўз навбатида, «Челси» Рожерс учун 116 миллион евро тўлашга тайёр, бироқ футболчининг ўзи фаолиятини «Арсенал»да давом эттиришни мақсад қилган. Рожерс фақатгина «канонирлар» билан келишув амалга ошмай қолган тақдирдагина «Челси» вариантини кўриб чиқади.
Ортда қолган 2025/26 йилги мавсумда «Астон Вилла» ярим ҳимоячиси барча мусобақаларда 55 та учрашувда майдонга тушиб, 14 та гол урди ва 12 та голли узатмани амалга оширди.
