Яқин ўтмишнинг таниқли футболчиси Жейми Каррагер Мадриднинг «Реал» клуби қанот ҳимоячиси Трент Александр-Арнольднинг 2026 йилги Жаҳон чемпионати учун Англия терма жамоаси қайдномасига киритилмаганига изоҳ берди.
«Ньюкасл» ҳимоячиси Тино Ливраменто жароҳат олганидан сўнг, футболчида АҚШ, Мексика ва Канада мезбонлик қилаётган мундиалга бориш имконияти пайдо бўлган эди. Бироқ «уч шерлар» бош мураббийи Томас Тухель унинг ўрнига «Челси» аъзоси Трево Чалобани терма жамоага жалб этди.
«Александр-Арнольд ўзига хос фазилатларга эга. Трент эга бўлган ушбу иқтидорлар ва, эҳтимол, унинг камчиликлари — Тухель уни таркибга чақирмаганининг асосий сабабидир. Мураббий унинг кучли томонларига эмас, балки заиф жиҳатларига эътибор қаратмоқда», — дея экспертнинг сўзларидан иқтибос келтирмоқда Sky Sports.
Англияликлар ЖЧ-2026 даги илк учрашувларини бугун, 17 июнь куни ўтказишади. Уларга Хорватия миллий терма жамоаси рақиблик қилади.
