Жаҳон чемпионати-2026 гуруҳ босқичи "L" гуруҳи 1-турида Гана Панамани 1:0 ҳисобида мағлуб этган учрашувдан сўнг ўйиннинг энг яхши футболчиси аниқланди.

Турнир ташкилотчилари томонидан «Player of the Match» соврини Гана терма жамоаси ҳужумчиси Антуан Семеньога берилди. Эътиборли жиҳати шундаки, у учрашувдаги ягона гол муаллифи эмас.

26 ёшли футболчи учрашувни асосий таркибда бошлаб, 90 дақиқа тўлиқ ҳаракат қилди. У статистикада гол ёки голли узатма билан ажралиб турмади, аммо жамоа ўйинида муҳим роль ўйнади.

Семеньо учрашув давомида 2 та зарба берди (иккитаси ҳам аниқ эмас), 1 та калит узатма амалга оширди, 1 марта қоидабузарлик ишлатди. У 9 та яккакурашнинг 4 тасида ғалаба қозонди, шу жумладан 2 та ҳаводаги курашда устунлик қилди. Унинг пас аниқлиги 82 фоизни ташкил этди.

Учрашув тақдирини эса қўшимча вақтнинг 90+5-дақиқасида Калеб Йиренки томонидан урилган гол ҳал қилди. Унга захирадан майдонга тушган форвард Брендон Томас-Асанте ассистлик қилди.