Ўзбекистон миллий терма жамоаси бош мураббийи Фабио Каннаваро Колумбияга қарши кечган учрашувдан сўнг матбуот анжуманида иштирок этиб, ўз шогирдларининг ҳаракатларига юқори баҳо берди.
"Мен футболчиларимдан чин дилдан ғурурланаман. Улар бугун майдонда жуда яхши ўйин намойиш этишди. Тан олиш керак, бугун биз учун ҳар томонлама ўта қийин учрашув бўлди. Бундай муҳташам стадионда, рақибни тинимсиз қўллаб-қувватлаб турган кўп минг сонли мухлислар қаршисида тўп суриш ҳеч бир жамоага осон эмас.
Бироқ, бошқа томондан олиб қараганда, бундай атмосфера футболчига қўшимча куч бағишлайди ва майдонда янада кўпроқ мотивация бериши ҳам мумкин", — деди италиялик мутахассис.













