Ижтимоий тармоқларда Тунис миллий терма жамоасининг янги бош мураббийи Эрве Ренарнинг кийиниш хонасида ўз шогирдларига айтган илк таъсирли сўзлари акс этган видеоролик кенг оммалашмоқда.

«Агар ҳозир ватанингизга қайтсангиз, нима бўлишини биласизми? Ҳамманинг ғазаби қайнаган. У ерда Ватан, Миллат турибди! Бу — Жаҳон чемпионати! Биз ишлашимиз керак, йигитлар! Барчамиз биргаликда!

Энг кучлилар — ҳаммадан кўп югурадиганлар эмас, балки йиқилганда ҳаммадан тез оёққа турадиганлардир. Ҳисобни унутиш, фикрлашни ўзгартириш ва тўғри реакция кўрсатиш лозим. Одамларимиз бу ерда, стадионларда сизни қўллаб-қувватлаш учун қанча маблағ сарфлашганини биласизми? Бутун мамлакат сизни кузатмоқда.

Мен бу ерга ўзим хоҳлаган нарсани қилиш учун келганим йўқ, мен бу ерга жамоага нима зарур бўлса, ўшани бажариш учун келганман», — деди Ренар.

Эслатиб ўтамиз, душанба куни, 15 июнь куни Сабри Лямуши Жаҳон чемпионати-2026 1-турида Швециядан учралган йирик мағлубиятдан (1:5) сўнг Тунис терма жамоаси бош мураббийлигидан бўшатилган эди. Африка жамоасини гуруҳда ҳали Япония (21 июнь) ва Нидерландия (26 июнь) терма жамоаларига қарши қийин ўйинлар кутиб турибди.

57 ёшли мутахассис Эрве Ренар Тунис терма жамоасини ЖЧ-2026 якунига қадар бошқариш масъулиятини ўз зиммасига олди.