УЕФА «Рома» ва «Марсель» клубларини жаримага тортди.
Клубларни молиявий назорат қилиш органи мазкур жамоалар томонидан молиявий фэйр-плей қоидаларини бузиш билан боғлиқ равишда тузилган келишув шартлари қандай бажарилаётганини баҳолаб чиқди.
Франция клуби 2025/26 йилги мавсумда талаб этилган даромад даражасига эриша олмади, шу сабабли унга нисбатан қуйидаги санкциялар қўлланилди:
-
Агар клуб 2026/27 йилги мавсумда футбол фаолиятидан олинадиган даромадлар бўйича белгиланган мақсадли кўрсаткичларга эриша олмаса, яқин уч мавсум ичида йўлланма қўлга киритадиган илк еврокубок турниридан четлаштирилади;
-
Клубнинг 2026/27 йилги мавсумдаги еврокубок мусобақалари учун янги футболчиларни рўйхатдан ўтказиш (қайдномага киритиш) имконияти чекланади;
-
6 миллион евро миқдорида жарима ундирилади.
Бундан ташқари, жамоа таркибини сақлаб туриш харажатлари умумий даромаднинг 70 фоизидан ошиб кетгани сабабли, УЕФА «Марсель» клубини яна қўшимча 4 миллион евро жаримага тортди.
«Рома» клуби ҳам оралиқ мақсадли кўрсаткичга эриша олмади ва 2 миллион евро миқдорида жаримага тортилди. Бундан ташқари, юқорида тилга олинган 70 фоизлик чекловдан ўтиб кетгани учун римликларга яна 4 миллион евро қўшимча жарима солинди.
«Милан», «Монако», «Бешиктош», «Интер», «ПСЖ», «Антверпен» ва «Трабзонспор» клублари эса келишув талабларини тўлиқ бажаришди ва шу сабабли улардан чекловлар олиб ташланди.
