Португалия терма жамоаси суперюлдузи Криштиану Роналду 2026 йилги Жаҳон чемпионати гуруҳ босқичи 1-туридан ўрин олган Конго ДРга қарши учрашувда майдонга тушди. Мазкур баҳс кутилмаганда 1:1 ҳисобидаги сенсацион дуранг билан якунланди.
Opta статистика порталининг хабар беришича, 41 ёшли ҳужумчи учун ушбу учрашув Жаҳон чемпионатларидаги фаолиятидаги 23-ўйинга айланди. Бу кўрсаткич бўйича Криштиану Италия футболи афсонаси, машҳур ҳимоячи Паоло Мальдинига етиб олди.
Жаҳон чемпионатлари тарихида португалиялик юлдуздан кўра кўпроқ ўйин ўтказган фақат уч нафар футболчи мавжуд: германиялик Мирослав Клозе (24 та ўйин) ва Лотар Маттеус (25 та ўйин), шунингдек, рўйхат пешқадами — аргентиналик Лионель Месси (27 та ўйин).
Шимолий Америка яшил майдонларида бўлиб ўтаётган мундиалдаги навбатдаги учрашувини Португалия миллий терма жамоаси 23 июнь куни Ўзбекистон терма жамоасига қарши ўтказади.
