«Реал»нинг француз ярим ҳимоячиси Эдуардо Камавинганинг келажаги ҳақида янги маълумотлар пайдо бўлди. Бу ҳақда Mundo Deportivo нашри хабар бермоқда.
Манбанинг хабарига кўра, 23 ёшли футболчи Миланнинг «Интер» клуби томонидан қизиқишлар бўлаётганига қарамай, Мадриднинг «Реал» клубида қолиш ниятида. Шу билан бирга, «қаймоқранглилар» футболчини шу ёзда тахминан 50 миллион евро эвазига қўйиб юборишга тайёр эканликлари қайд этилган эди.
2025/26 йилги мавсумда Камавинга барча турнирларда 43 та ўйинда майдонга тушиб, иккита гол урди ва ўз ҳисобига битта голли узатмани ёздириб қўйди.
Ярим ҳимоячининг «Реал» билан амалдаги меҳнат шартномаси 2029 йилнинг ўрталарига қадар мўлжалланган.
