«Real»ning fransuz yarim himoyachisi Eduardo Kamavinganing kelajagi haqida yangi ma’lumotlar paydo bo‘ldi. Bu haqda Mundo Deportivo nashri xabar bermoqda.
Manbaning xabariga ko‘ra, 23 yoshli futbolchi Milanning «Inter» klubi tomonidan qiziqishlar bo‘layotganiga qaramay, Madridning «Real» klubida qolish niyatida. Shu bilan birga, «qaymoqranglilar» futbolchini shu yozda taxminan 50 million yevro evaziga qo‘yib yuborishga tayyor ekanliklari qayd etilgan edi.
2025/26 yilgi mavsumda Kamavinga barcha turnirlarda 43 ta o‘yinda maydonga tushib, ikkita gol urdi va o‘z hisobiga bitta golli uzatmani yozdirib qo‘ydi.
Yarim himoyachining «Real» bilan amaldagi mehnat shartnomasi 2029 yilning o‘rtalariga qadar mo‘ljallangan.
