«Реал» ёзги трансфер ойнасида ҳимоячи Фран Гарсияни сотишга тайёр.
Diario de Sevilla нашрининг хабарига кўра, футболчининг трансферига «Бетис» қизиқиш билдирмоқда. Севилья клуби ўйинчининг эҳтимолий ўтиши бўйича «қаймоқранглилар» раҳбарияти билан аллақачон бир неча бор боғланган. Мадрид клуби Гарсия учун 10 миллион евро нарх белгилади, бироқ «Бетис» ҳозирча ҳимоячи учун бунча маблағ тўлашга тайёр эмас.
Фран Гарсия — «Реал» тарбияланувчиси ҳисобланади. Унинг мадридликлар билан шартномаси 2027 йилнинг 30 июнига қадар мўлжалланган. 2025/26 йилги мавсумда ҳимоячи клуб сафинда барча турнирларда 23 та ўйинда майдонга тушиб, битта гол урди ва битта голли узатмани амалга оширди.
