Ҳужумчи Жонатан Дэвид шу ёзда «Ювентус»ни тарк этиши мумкин.

Corriere dello Sport нашрининг хабарига кўра, Турин клуби канадалик футболчини сотиш ниятида. «Ювентус» форварднинг трансферидан тахминан 40 миллион евро ишлаб олмоқчи. Муаммо шундаки, ҳозирча туринликларда Дэвиднинг трансфери бўйича аниқ таклифлар йўқ.

Жонатан Дэвид 2025 йилда «Лилль»дан «Ювентус»га эркин агент мақомида ўтган эди. Унинг шартномаси 2030 йилнинг 30 июнигача мўлжалланган. 2025/26 йилги мавсумда ҳужумчи Турин клуби сафинда барча турнирларда 46 та ўйин ўтказиб, 8 та гол урди ва 5 та голли узатмани амалга оширди. Transfermarkt портали Дэвиднинг қийматини 30 миллион еврога баҳоламоқда.