Германиянинг «Кёльн» клуби қанот ҳужумчиси Саид Эль-Мала «Тоттенхэм» аъзосига айланиши мумкин.

TEAMtalk нашрининг хабар беришича, «шпорлар» ўтган мавсумда ёрқин ўйин кўрсатган 19 ёшли ҳужумчининг трансфери бўйича музокараларга киришган. Лондоннинг «Тоттенхэм» клуби бу пойгада «Ньюкасл» ва «Ноттингем Форест»ни ортда қолдирмоқчи. Битим суммаси 40-50 миллион еврони ташкил этиши мумкин.

Якунланган Бундеслига мавсумида Эль-Мала 34 та учрашувда майдонга тушиб, рақиблар дарвозасини 13 бор ишғол қилди ва ўз ҳисобига бешта голли узатмани ёздириб қўйди.

Вингернинг «Кёльн» билан амалдаги меҳнат шартномаси 2030 йилнинг ўрталарига қадар мўлжалланган.