Germaniyaning «Kyoln» klubi qanot hujumchisi Said El-Mala «Tottenxem» a’zosiga aylanishi mumkin.
TEAMtalk nashrining xabar berishicha, «shporlar» o‘tgan mavsumda yorqin o‘yin ko‘rsatgan 19 yoshli hujumchining transferi bo‘yicha muzokaralarga kirishgan. Londonning «Tottenxem» klubi bu poygada «Nyukasl» va «Nottingem Forest»ni ortda qoldirmoqchi. Bitim summasi 40-50 million yevroni tashkil etishi mumkin.
Yakunlangan Bundesliga mavsumida El-Mala 34 ta uchrashuvda maydonga tushib, raqiblar darvozasini 13 bor ishg‘ol qildi va o‘z hisobiga beshta golli uzatmani yozdirib qo‘ydi.
Vingerning «Kyoln» bilan amaldagi mehnat shartnomasi 2030 yilning o‘rtalariga qadar mo‘ljallangan.
