Миш-мишларга ишонадиган бўлсак, «Барселона» вингери Рафинья Диас шу ёзда клубини ўзгартириши мумкин.
Юлдузли бразилияликни ўз сафига қўшиб олишни Саудия Арабистони чемпионати вакиллари исташмоқда. Журналист Серхи Соленинг маълумотларига кўра, «Барселона»да 29 ёшли футболчининг келажаги борасида мутлақо хотиржамлик ҳукм сурмоқда. Рафинья жамоадан кетиш истагини билдирмаган ва Каталония гранди раҳбарияти ҳали ҳам унга умид боғламоқда. Уни сотиш имконияти фақат бир ҳолатда, катта таклиф тушсагина кўриб чиқилиши мумкин.
Рафиньянинг «кўк-анорранглилар» билан шартномаси 2028 йилнинг ўрталарига қадар амал қилади. Ханс-Дитер Флик жамоаси ҳужум етакчисининг трансфер қиймати Transfermarkt баҳолашига кўра 70 миллион еврони ташкил этади.
