«Манчестер Юнайтед»нинг собиқ ярим ҳимоячиси Пол Скоулз 2026 йилги Жаҳон чемпионати доирасидаги ДР Конгога қарши ўйиндан сўнг Португалия терма жамоаси форварди Криштиану Роналду ҳақида ўз фикрларини билдирди. Учрашув 1:1 ҳисобидаги дуранг билан якунланди, 41 ёшли ҳужумчи эса самарали ҳаракатлари билан ажралиб тура олмади.
«Роналду жуда ғазабда бўлади, чунки Месси хет-трик қайд этди, Мбаппе эса дублга эришди. Воқеаларнинг бундай ривожи уни ичидан адо қилади (ўлдиради). Португалия терма жамоаси устозига раҳмим келади, чунки у вазиятни қабул қилишга уриниб, ихтиёрида дунёнинг энг яхши тўпурари борлигини айтмоқда. Бироқ Мартинес бу ҳолат терма жамоага зарар келтираётганини тушуниб турибди», — дея Скоулзнинг сўзларини Goal портали келтирмоқда.
Португалия терма жамоаси мундиалдаги навбатдаги учрашувини Ўзбекистон миллий терма жамоасига қарши ўтказади.
