Мадриднинг «Атлетико» клуби 30 ёшли ҳужумчиси Александр Сёрлотни ёзги трансфер ойнасида қўйиб юбориши мумкин.

Инсайдер Николо Скиранинг хабар беришича, «матрасчилар» норвегиялик форвардни 35 миллион евро эвазига сотишга тайёр. Футболчининг хизматларига анчадан бери «Ювентус» қизиқиш билдириб келаётган эди, эндиликда ушбу курашга Туркиянинг «Фенербахче» клуби ҳам қўшилди.

Якунланган мавсумда Сёрлот барча турнирларда 54 та учрашувда майдонга тушиб, рақиблар дарвозасини 20 бор ишғол этди ва 1 та голли узатмани амалга оширди.

Ҳужумчининг «Атлетико» билан амалдаги меҳнат шартномаси 2028 йилнинг ўрталарига қадар мўлжалланган. Transfermarkt экспертлари ўйинчининг трансфер қийматини 18 миллион еврога баҳолашмоқда.