«Лестер» вингери Жереми Монга ҳозирча Лондоннинг «Арсенал» клубига ўтмаяпти. «Тўпчилар» 16 ёшли футболчи учун курашда фаворит ҳисобланишади ва миш-мишларга кўра, у билан шахсий шартнома шартларини келишиб ҳам бўлишган.

Arsenal Radar нашрининг хабар беришича, айни дамда клублар ўртасида келишув мавжуд эмас: «тулқилар» лондонликларнинг илк трансфер таклифини рад этишган. Шунга қарамай, трансфернинг амалга ошиши эҳтимоли жуда юқори, чунки инглиз футболчисининг ўзи Премьер-лиганинг амалдаги ғолиблари сафига қўшилишга қарор қилган.

Transfermarkt экспертлари Жереми Монганинг трансфер қийматини 15 миллион еврога баҳолашмоқда. Якунланган мавсумда ўйинчи Чемпионшип доирасида «Лестер» сафида 27 та учрашувда майдонга тушиб, 1 та гол ва 2 та голли узатмани ўз ҳисобига ёздириб қўйди, бироқ бу жамоани кучлилик жиҳатидан учинчи дивизионга тушиб кетишдан қутқариб қола олмади.