Бразилия терма жамоаси марказий ҳимоячиси Габриэль 2026 йилги Жаҳон чемпионати гуруҳ босқичи доирасидаги Гаити миллий жамоасига қарши баҳс олдидан журналистлар билан суҳбатлашди.
«Биринчи ўйинни унчалик яхши ўтказа олмадик ва буни жуда яхши тушуниб турибмиз. Бу биз турнирда намойиш этмоқчи бўлган футбол эмас. Жамоамиз баҳс давомида тўпга эгалик қилишни яхши кўради. Олдинда бизни муҳим учрашув кутмоқда, унда ўз кучимизни кўрсатамиз ва ғалаба қозонишга ҳаракат қиламиз», — дея футболчининг сўзларини «селесао» матбуот хизмати келтирмоқда.
Бразилия ва Гаити терма жамоалари ўртасидаги учрашув 20 июнь куни бўлиб ўтади. Эслатиб ўтамиз, мундиалдаги илк ўйинда Карло Анчелотти шогирдлари Марокаш билан дуранг ўйнашган эди (1:1).
