Испаниялик вингер Виктор Муньос «Ливерпуль» аъзосига айланди. Ваҳолонки, бундан бир неча ҳафта олдин уни сотиб олиш учун асосий даъвогар «Ньюкасл» бўлиб турган эди.

«The Athletic» нашрининг хабарига кўра, «қарғалар» раҳбарияти ушбу келишув муваффақиятли якунланишига тўлиқ ишонган ва «Осасуна» билан сўнгги деталларни келишиб олгач, трансферни расмийлаштиришни режалаштирган эди. Аммо мерсисайдликларнинг янги бош мураббийи Андони Ираола ишга аралашгач, вазият тубдан ўзгариб кетган.

Маълум қилинишича, испаниялик мутахассис Муньос билан шахсан боғланиб, унга жамоадаги роли ва келажакдаги режалари ҳақида батафсил гапириб берган. «Осасуна» клубидагиларнинг фикрича, айнан мана шу суҳбат музокараларда бурилиш нуқтаси бўлган ва футболчини «Ливерпуль» фойдасига қарор қабул қилишга ундаган.

Бундан ташқари, молиявий томон ҳам муҳим рол ўйнаган: «Ньюкасл» футболчи учун 32 миллион евро нақд ва яна 5 миллион евро бонус таклиф қилган бир пайтда, «Ливерпуль» ҳеч қандай иккиланишларсиз «Осасуна» ҳисоб рақамига дарҳол 40 миллион евро ўтказиб беришга тайёрлигини билдирган.