Австралия миллий терма жамоаси бош мураббийи Тони Попович ЖЧ-2026 2-турида АҚШдан учраган мағлубият (0:2) сабаблари ҳақида фикр билдирди. Учрашувни Феликс Цвайер бошчилигидаги ҳакамлар бригадаси бошқариб борди. АҚШ 11-дақиқада автогол эвазига ҳисобни очди. 43-дақиқада эса Александр Фриман америкаликларнинг устунлигини оширди.

Ўйин ҳақида

«Билмадим, балки бу тасодифдир, лекин биз ҳаракатсиз ва оғир кўриндик. Улар тезкорроқ ва кучлироқ эди. Улар ҳар бир яккакураш ва ҳар бир қайтган тўп учун курашда ғолиб чиқишди. Улар шундай ўйнаганда, бизга суръат солиш қийин бўлади. Биз иккита бемаъни гол ўтказиб юбордик, лекин иккинчи бўлимдаги реакциямиз ажойиб бўлди деб ҳисоблайман. Бу ерда шовқин жуда баланд, улар мезбонлар, футболчилар иккинчи бўлимда қанчалик яхши эканликларини кўрсатишди, аммо бундай даражада биринчи бўлимда рақибга бунчалик кўп имконият бериб бўлмайди».

Кейинги учрашувда бошқа таркиб танланиши мумкинлиги ҳақида

«Ҳар бир ўйин ҳар хил. Биринчи бўлимда жисмоний ва руҳий жиҳатдан чарчаган футболчиларимиз кўп эди. Иккинчи бўлим ажойиб ўтди ва биз ушбу муваффақиятни ривожлантиришимиз керак. Бугун ҳакамлар учун энг яхши кун бўлди деб айта олмайман, лекин умуман олганда, биринчи бўлимда етарлича яхши ўйнамадик. АҚШнинг ҳаққини бериш керак, улар жуда кучли», – деди Попович.

3-турда австралияликлар Парагвайга қарши майдонга тушадилар – ўйин 26 июнь куни Тошкент вақти билан соат 07:00 да бошланади.