Avstraliya milliy terma jamoasi bosh murabbiyi Toni Popovich JCH-2026 2-turida AQSHdan uchragan mag‘lubiyat (0:2) sabablari haqida fikr bildirdi. Uchrashuvni Feliks Svayer boshchiligidagi hakamlar brigadasi boshqarib bordi. AQSH 11-daqiqada avtogol evaziga hisobni ochdi. 43-daqiqada esa Aleksandr Friman amerikaliklarning ustunligini oshirdi.

O‘yin haqida

«Bilmadim, balki bu tasodifdir, lekin biz harakatsiz va og‘ir ko‘rindik. Ular tezkorroq va kuchliroq edi. Ular har bir yakkakurash va har bir qaytgan to‘p uchun kurashda g‘olib chiqishdi. Ular shunday o‘ynaganda, bizga sur’at solish qiyin bo‘ladi. Biz ikkita bema’ni gol o‘tkazib yubordik, lekin ikkinchi bo‘limdagi reaksiyamiz ajoyib bo‘ldi deb hisoblayman. Bu yerda shovqin juda baland, ular mezbonlar, futbolchilar ikkinchi bo‘limda qanchalik yaxshi ekanliklarini ko‘rsatishdi, ammo bunday darajada birinchi bo‘limda raqibga bunchalik ko‘p imkoniyat berib bo‘lmaydi».

Keyingi uchrashuvda boshqa tarkib tanlanishi mumkinligi haqida

«Har bir o‘yin har xil. Birinchi bo‘limda jismoniy va ruhiy jihatdan charchagan futbolchilarimiz ko‘p edi. Ikkinchi bo‘lim ajoyib o‘tdi va biz ushbu muvaffaqiyatni rivojlantirishimiz kerak. Bugun hakamlar uchun eng yaxshi kun bo‘ldi deb ayta olmayman, lekin umuman olganda, birinchi bo‘limda yetarlicha yaxshi o‘ynamadik. AQSHning haqqini berish kerak, ular juda kuchli», – dedi Popovich.

3-turda avstraliyaliklar Paragvayga qarshi maydonga tushadilar – o‘yin 26 iyun kuni Toshkent vaqti bilan soat 07:00 da boshlanadi.