Мадриднинг «Реал» клуби бошқарувида фаолият олиб борувчи Франция футболи афсонаси Зайниддин Зидан Гарет Бэйлнинг трансфери тўғрисида фикр билдирди.

«Ҳеч қайси футболчи 100 миллион еврога арзимайди. Бэйлни сотиб олишларидан олдин бу борада Карло Анчелотти билан гаплашдим. У билан Бэйлнинг қайси позицияда ўйнашини маслаҳатлашдик. Мен ҳам уни сотиб олишига рози бўлдим, лекин бунақа катта пул эвазига эмас.

10 йил аввал мени 75 миллион еврога сотиб олишганди. Ўшанда ҳам айтганман, ҳозир ҳам айтаман, ҳеч қайси футболчи бунақа катта пул эвазига сотиб олишга арзимайди. 100 миллион евро турадиган футболчи бўлмайди.

Бэйлга нима ҳам дея олардим. У жуда яхши футболчи ва майдонда нима қилишни билади.

«Олтин тўп»га келадиган бўлсак, агар менда иккита «Олтин тўп» бўлганида бирини Криштиануга яна бирини Риберига берган бўлардим»,- дейди Зизу.