Германия терма жамоаси бош мураббийи Юлиан Нагельсманн Лерой Санени асосий таркибдан четлатиш нияти йўқлигини маълум қилди.
«Галатасарой»нинг 30 ёшли вингери ЖЧ-2026 гуруҳ босқичи 1-туридан ўрин олган Кюрасаога қарши учрашувдаги йирик ғалабага (7:1) қарамай, қаттиқ танқидларга учраган эди.
«Лерой машғулотларда ўзини яхши кўрсатди. Мен жамоатчилик фикрининг босими остида қарор қабул қиладиганлар тоифасидан эмасман. Санени асосий таркибдан тушириб қолдириш учун бирон бир сабаб кўрмаяпман», — деди Нагельсманн матбуот анжуманида.













