Франция терма жамоаси жаҳон чемпионати гуруҳ босқичи иккинчи турида Ироққа қарши майдонга тушади. Мундиалдаги илк ўйинда французлар Сенегал устидан ғалаба қозонишди (3:1). Ўшанда «учранглилар»нинг ҳужумкор тўртлигидан Дезире Дуэ, Усман Дембеле, Майкл Олисе ва Килиан Мбаппе жой олган эди.
Журналист Лоик Танзининг маълумотларига кўра, бош мураббий Дидье Дешам навбатдаги учрашув олдидан ҳужум чизиғида битта ўзгаришни режалаштирган: чап қанотда Дуэнинг ўрнини «ПСЖ»даги жамоадоши Брэдли Баркола эгаллайди.
Стартдаги турда Баркола фақатгина 80-дақиқада захирадан майдонга тушган бўлса-да, гол уришга улгурган эди.
Франция ва Ироқ терма жамоалари ўртасидаги учрашув 23 июнь куни бўлиб ўтади.
