«Пари Сен-Жермен» клубининг қанот ҳужумчиси Брэдли Баркола Лондоннинг «Арсенал» клубига кўчиб ўтиши мумкин.

Журналист Экрем Конурнинг хабар беришича, «канонирлар» Франция чемпионига Барколанинг трансфери бўйича расмий таклиф юборишга ҳозирлик кўрмоқда. Манбага ишонадиган бўлсак, инглизлар Париж клубига 80 миллион евролик таклиф йўллашади.

Қайд этилишича, 23 ёшли француз футболчисининг ҳаракатларини «Арсенал»дан ташқари «Ливерпуль», «Манчестер Сити», «Манчестер Юнайтед», «Челси», «Бавария» ва «Барселона» каби гранд клублар ҳам диққат билан кузатиб бормоқда.

2025/26 йилги мавсумда Баркола барча мусобақаларда жами 49 та учрашувда майдонга тушиб, рақиблар дарвозасини 13 бор ишғол этди ва 7 та голли узатмага муаллифлик қилди.