«Pari Sen-Jermen» klubining qanot hujumchisi Bredli Barkola Londonning «Arsenal» klubiga ko‘chib o‘tishi mumkin.

Jurnalist Ekrem Konurning xabar berishicha, «kanonirlar» Fransiya chempioniga Barkolaning transferi bo‘yicha rasmiy taklif yuborishga hozirlik ko‘rmoqda. Manbaga ishonadigan bo‘lsak, inglizlar Parij klubiga 80 million yevrolik taklif yo‘llashadi.

Qayd etilishicha, 23 yoshli fransuz futbolchisining harakatlarini «Arsenal»dan tashqari «Liverpul», «Manchester Siti», «Manchester Yunayted», «Chelsi», «Bavariya» va «Barselona» kabi grand klublar ham diqqat bilan kuzatib bormoqda.

2025/26 yilgi mavsumda Barkola barcha musobaqalarda jami 49 ta uchrashuvda maydonga tushib, raqiblar darvozasini 13 bor ishg‘ol etdi va 7 ta golli uzatmaga mualliflik qildi.