Истанбулнинг «Бешиктош» клуби «Ювентус» ҳужумчиси Душан Влаховични трансфер қилишга уриниб кўришни режалаштирмоқда. Бу ҳақда таниқли инсайдер Николо Скира хабар бермоқда.

Манба берган маълумотларга кўра, турклар сербиялик ҳужумчини Италия гранди билан шартномаси якунига етганидан сўнг эркин агент сифатида (текинга) ўз сафига қўшиб олишни исташмоқда. «Бешиктош» бош мураббийи Винченцо Итальянога Влаховичнинг ўйин услуби жуда ёқади, қолаверса, уларнинг «Фиорентина»даги биргаликдаги фаолият давридан буён муносабатлари жуда яхши. Қайд этилишича, 26 ёшли форвард ҳозирча бошқа клублардан таклифлар кутмоқда, бироқ «Бешиктош» ушбу трансфер борасида анча фаол ва қатъиятли ҳаракат қилмоқда.

2025/26 йилги мавсумда Влахович А Серия ва Чемпионлар лигаси доирасида жами 23 та учрашувда майдонга тушиб, 10 та гол урди ва 2 та голли узатмани ўз ҳисобига ёздириб қўйди.