Туриннинг «Ювентус» клуби «ПСЖ»нинг француз ҳужумчиси Рандаль Коло-Муанини сотиб олмоқчи. Бу ҳақда Corriere dello Sport нашри хабар бермоқда.

Манбанинг таъкидлашича, Коло-Муанининг ўзи ҳам «Ювентус»га ўтишни хоҳламоқда, бироқ ҳамма нарса Франция чемпионларининг позициясига боғлиқ бўлиб турибди. «ПСЖ» 27 ёшли форвард учун 40 миллион евро талаб қилаётган бўлса, Турин клуби трансферни 30-35 миллион евро эвазига ҳал қилиш ниятида.

Якунланган мавсумни Коло-Муани ижара асосида «Тоттенхэм»да ўтказди. У инглиз клуби сафида барча турнирларда 41 та ўйинда майдонга тушиб, 5 та гол урди ва 4 та голли узатмани амалга оширди.

Ҳужумчининг «ПСЖ» билан амалдаги шартномаси 2028 йилнинг ёзига қадар мўлжалланган.