«Эвертон» ҳужумчиси Тьерно Барри «РБ Лейпциг» клубининг қизиқишлар доирасига тушиб қолди. Журналист Пол Жойснинг маълум қилишича, Германия клуби 23 ёшли форварднинг эҳтимолий трансфери бўйича «ирислар» раҳбарияти билан алқачон алоқага чиққан.

Хабарларга кўра, Барри «Лейпциг»нинг ёзги трансфер ойнасидаги асосий мақсадларидан бири бўлиб турибди. Франциялик футболчи Премьер-лигадаги дебют мавсумини ўтказди ва 38 та ўйинда майдонга тушиб, 8 та гол уришга муваффақ бўлди.

Бироқ «Эвертон» ўз футболчисини осонликча қўйиб юбормоқчи эмас. Клуб раҳбарияти фақатгина жиддий молиявий таклифларнигина кўриб чиқишга тайёр. Transfermarkt портали ҳужумчини 30 миллион еврога баҳоламоқда.