Лондоннинг «Челси» клуби кетма-кет тўртинчи мавсумни ҳам либосларида бош ҳомий (титул спонсор) логотиписиз бошлайди. Бу ҳақда The Athletic нашри хабар бермоқда.

Шу билан бирга, манбанинг таъкидлашича, «кўклар» раҳбарияти таслим бўлгани йўқ ва янги ҳамкор топишга бўлган уринишларни фаол давом эттирмоқда.

Эслатиб ўтамиз, «Челси» учун ўтган мавсум муваффақиятсиз якунланди. Клуб Премьер-лига турнир жадвалида бор-йўғи 52 очко жамғариб, 10-ўринни эгаллади ва ҳатто Конференциялар лигаси йўлланмасидан ҳам маҳрум бўлди.

Янги мавсумдан бошлаб басклик мутахассис Хаби Алонсо «кўклар»нинг янги бош мураббийига айланади. Ўтган мавсумда лондонликлар иккита мураббий билан ишлашга улгуришди: январь ойида Энцо Мареска истеъфога чиқарилган бўлса, апрелда — мавсум якунланиши арафасида Лиам Росеньор ҳам ўз лавозимини тарк этди.