«Манчестер Юнайтед» клуби «Реал» ярим ҳимоячиси Орельен Тчуамени ва «Галатасарой» ҳужумчиси Виктор Осимҳенни сотиб олмоқчи. Бу ҳақда TEAMtalk нашри хабар бермоқда.
Манбанинг маълум қилишича, «қизил иблислар» Осимхенни ҳужум чизиғи учун идеал номзод деб ҳисоблашмоқда, бироқ нигериялик форвардни сотиб олиш жуда қийин бўлади. Сабаби, «Галатасарой» ўз юлдузи учун 150 миллион евро талаб қилмоқда.
Шунингдек, «Манчестер Юнайтед» Орельен Тчуаменининг имкониятларини ҳам юқори баҳоламоқда ва уни майдон маркази учун ажойиб вариант деб билмоқда. Аммо тарқалган миш-мишларга ишонадиган бўлсак, «Реал Мадрид» француз футболчиси билан хайрлашишни истамаяпти.
Эслатиб ўтамиз, Майкл Кэррик шогирдлари 2025/26 йилги мавсум якунларига кўра, АПЛда учинчи ўринни эгаллаб, Чемпионлар лигаси йўлланмасини қўлга киритишган эди.
