«Manchester Yunayted» klubi «Real» yarim himoyachisi Orelyen Tchuameni va «Galatasaroy» hujumchisi Viktor Osimhenni sotib olmoqchi. Bu haqda TEAMtalk nashri xabar bermoqda.
Manbaning ma’lum qilishicha, «qizil iblislar» Osimxenni hujum chizig‘i uchun ideal nomzod deb hisoblashmoqda, biroq nigeriyalik forvardni sotib olish juda qiyin bo‘ladi. Sababi, «Galatasaroy» o‘z yulduzi uchun 150 million yevro talab qilmoqda.
Shuningdek, «Manchester Yunayted» Orelyen Tchuamenining imkoniyatlarini ham yuqori baholamoqda va uni maydon markazi uchun ajoyib variant deb bilmoqda. Ammo tarqalgan mish-mishlarga ishonadigan bo‘lsak, «Real Madrid» fransuz futbolchisi bilan xayrlashishni istamayapti.
Eslatib o‘tamiz, Maykl Kerrik shogirdlari 2025/26 yilgi mavsum yakunlariga ko‘ra, APLda uchinchi o‘rinni egallab, Chempionlar ligasi yo‘llanmasini qo‘lga kiritishgan edi.
