Мадриднинг «Реал» клуби бош мураббийи Жозе Моуриньо жамоа ҳимоячиси Альваро Каррерас билан суҳбат ўтказди.

Бундан олдинроқ, «қироллик клуби» Марк Кукурельяни сотиб олганидан сўнг, Каррерасдан қутулишни (сотиб юборишни) режалаштираётгани ҳақида хабарлар тарқалган эди.

Бироқ журналист Серхио Валентиннинг таъкидлашича, Моуриньо 23 ёшли футболчи билан гаплашиб, унинг жамоадаги ролини муҳокама қилган. Манба берган маълумотларга кўра, португалиялик мутахассис Каррерасга Кукурелья асосий таркиб учун сотиб олинганини очиқ айтган. Аммо агар Альваро асосий таркибдаги жой учун кураша оламан деб ҳисобласа, бу фақат жамоанинг фойдасига ишлайди. Акс ҳолда, Каррерас ўзига янги клуб излашига тўғри келади. Хулоса чиқариш эса футболчининг ўзига ҳавола.

Эслатиб ўтамиз, ўтган ёзда «Реал» ушбу ҳимоячи учун 50 миллион евро тўлаган эди. У «қаймоқранглилар» либосида 40 та ўйинда майдонга тушиб, 2 та гол урди ва 3 та голли узатмани амалга оширди.