«Интер» клуби ҳимоячиси Мануэль Аканджи «Наполи» аъзоси Кевин де Брёйне ҳақида ўз фикрларини билдириб ўтди. Бельгиялик футболчи эркин агент сифатида неаполитанликлар сафига ўтганидан сўнг, Италиядаги илк мавсумини ўтказди.

«Менинг фикримча, у ҳали ҳам Италия футболида катта таъсир ўтказа олади. Кевин — ажойиб футболчи ва менинг яқин дўстим. Узоқ муддатга сафдан чиқарган жароҳати сабабли унга бироз омад кулиб боқмади. У майдонга қайтган вақтда эса чемпионлик учун кураш тақдири амалда ҳал бўлиб улгурган эди», — деди Аканжи Gazzetta dello Sport нашрига берган интервьюсида.

Швейцариялик ҳимоячи, шунингдек, Де Брёйнега қарши яна майдонда учрашишни интиқлик билан кутаётганини қўшимча қилди:

«Унга қарши майдонга тушишни жуда хоҳлардим, бундай имконият тез-тез содир бўлавермайди».

Италия А Сериясининг якунланган мавсумида 34 ёшли ҳужумкор ярим ҳимоячи Де Брёйне 18 та ўйинда майдонга тушиб, 5 та гол урди ва 2 та голли узатмани амалга оширди.