Бразилия терма жамоаси ҳужумчиси Эндрик жамоа бош мураббийи Карло Анчелотти ҳақида нима деб ўйлашини маълум қилди.

Италиялик мутахассис ўтган йилнинг ёзи бошида ушбу лавозимни эгаллаган эди. Жаҳон чемпионати — 2026’да бразилияликлар ҳозиргача иккита ўйин ўтказиб, уларда Марокаш билан очко бўлишишди (1:1) ва Гаитини тор-мор этишди (3:0).

«Анчелотти — буюк мураббий, менга унинг ёндашуви жуда ёқади. Карло биз билан ишлаётгани учун Худога шукрона айтаман. У Эндрик учун ёки мухлислар учун эмас, балки бутун жамоа учун бор кучини бермоқда», — дея Гаити билан баҳсда захирадан майдонга тушиб, мундиалда дебют қилган Эндрикнинг сўзларини келтиради Madrid Zone нашри.

25 июнь куни Тошкент вақти билан соат 03:00 да «селесао»нинг Шотландияга қарши баҳси старт олади.