«Челси» клуби «Ювентус» ҳимоячиси Андреа Камбьязони ўз сафига қўшиб олишни режалаштирмоқда, дея хабар бермоқда TEAMtalk нашри.
Лондонликлар бу борада кутилмаган режа ишлаб чиқишган. «Челси» италиялик ҳимоячи эвазига ҳужумчи Николас Жексонни алмаштиришни кўриб чиқмоқда. Қайд этилишича, Турин клуби раҳбарияти трансфернинг бундай кўринишини муҳокама қилишга тайёр. Transfermarkt портали Жексоннинг трансфер баҳосини 40 миллион еврога баҳолаган.
Николас Жексон шу вақтга қадар «Челси» либосида жами 81 та учрашувда майдонга тушиб, 30 та гол урди ва 12 та голли узатмани амалга оширди.
