Германия терма жамоаси устози Юлиан Нагельсманн ҳамюрти Ханс-Дитер Фликнинг Каталониянинг «Барселона» клуби бош мураббийи лавозимидаги фаолиятига баҳо берди.
«Германия ҳар доим яхши мураббийлари билан машҳур бўлган. Фликнинг «Барселона»даги ишига келадиган бўлсак, ҳаммаси кўнгилдагидек кетмоқда. Чемпионлар лигасида уларга бироз омад етишмади. Аммо жамоа Испанияда чемпионлик унвонини ҳимоя қила олди. Каталонияликлар кучли мавсумни ўтказишди», - дея мураббийнинг сўзларини келтиради Sport.es.
61 ёшли мутахассис 2024 йилнинг ёзидан буён «Барселона» бош мураббийи лавозимини эгаллаб келмоқда. Томонлар ўртасидаги амалдаги меҳнат шартномаси муддати 2028 йилнинг июнь ойи охирида якунига етади.
