Франция терма жамоаси ва Мадриднинг «Реал» клуби юлдузли ҳужумчиси Килиан Мбаппе ўз фаолиятини МЛС’да (АҚШ футбол лигаси) давом эттириш таклифи бўлганини айтиб ўтди.
«АҚШда маданият бизникидан фарқ қилади. У ерда сизнинг амбицияларингиз учун чегара йўқ. Дэвид Бекхэм менга МЛС’га кетишни таклиф қилди. Келажакда бу содир бўлишини истисно этмайман», — дея ҳужумчининг сўзларини келтиради RMC Sport.
2026 йилги жаҳон чемпионати гуруҳ босқичидаги сўнгги ўйинда Франция терма жамоаси Сенегал терма жамоасини 3:1 ҳисобида мағлуб этди. Ўтган учрашувда Мбаппе иккита гол уришга муваффақ бўлди.
