Мадриднинг «Реал» ва Лондоннинг «Тоттенҳэм» клублари собиқ ярим ҳимоячиси Гарет Бэйл футболчилик фаолиятини якунлаш қарори ҳақида фикр билдирди. Уэльслик футболчи бутсаларини 2022-йилда «михга илган» эди.
«Соғиндимми? Йўқ, мен умуман футболни соғинмаяпман. Фаолиятим қачондир якунланишини жуда яхши билардим, шунинг учун бунга руҳий жиҳатдан тайёр эдим. Шунчаки ўйин учун футболда қолиш менга қизиқ эмас эди. Мен етарлича ўйнадим ва кейинги қадамни ташлашим керак бўлган пайтга етдим», — дея уэльслик футболчининг сўзларини келтиради The Athletic.
Эслатиб ўтамиз, Бэйл «Реал» билан бирга уч марта Испания Ла Лигаси чемпиони бўлган, шунингдек, беш марта УЕФА Чемпионлар лигасида ғолиб чиққан.
