Эрон терма жамоаси ҳужумчиси Алиреза Жаҳонбахш терма жамоа унга қарши амалда бўлган тақиқлар туфайли дуч келаётган қийинчиликлар ҳақида гапириб берди.
«Биз оддий адолатни хоҳлаймиз. Бошқа жамоаларга бўлгани каби муносабат бўлишини истаймиз. Менимча, биз жуда кўп нарса сўрамаяпмиз. Бошқа томондан, бу бизнинг маданиятимизнинг бир қисми — оғир вазиятда биз яхшироқ ўйнаймиз. Қийинчиликлар бизни бирлаштирди. Биз ўз характеримизни кўрсатдик ва бу қисман жаҳон чемпионатида қандай вазиятга тушиб қолганимиз билан боғлиқ», — дея Жаҳонбахшнинг сўзларини келтиради ESPN.
Аввалроқ Эрон футбол федерацияси терма жамоа дуч келган чекловлар юзасидан ФИФАга расмий шикоят тақдим этишини маълум қилган эди. Норозиликка жамоага гуруҳ босқичи 2-тури доирасида Бельгия терма жамоасига қарши (0:0) ўйин учун Лос-Анжелесга дастлаб сўралганидек икки кун эмас, балки фақат ўйиндан бир кун олдин етиб боришга рухсат берилгани сабаб бўлган.
